मिति २०७९ माघ २५ गते, बुधबार नेपाल स्काउट मधेश प्रदेश स्काउट कार्यालयको आयोजनामा सिरहा जिल्लाको सिरहा नगरपालिका भित्र रहेका सामुदायिक विद्यालयका प्रधानाध्यापकहरुलाई स्काउट सम्बन्धी अभिमूखीकरण तालिम प्रदान गरिएको छ । नेपाल स्काउटको राष्ट्रिय रणनीतिक योजना अनुरुप सदस्यता वृद्धि सम्बन्धी अभियान अन्तर्गत यो कार्यक्रम गरिएको हो । स्काउट सम्बन्धी जानकारी र यसबाट युवा तथा बालबालिकाहरुलाई पुग्ने फाइदाका विषयमा प्रकाश पारी विद्यालयमा स्काउट कार्यक्रम सञ्चालनका लागि प्रधानाध्यापकहरुलाई अनुरोध गरिएको थियो । नगरप्रमुख डा. नविन कुमार यादव, उपप्रमुख बबिता कुमारी साहका प्रमुख प्रशासकीय अधिकृतज्यूको उपस्थितिमा स्काउटको आवश्यकता सम्बन्धमा नेपाल स्काउटका सहायक निर्देशक रविराज पौडेलले जानकारी दिनु भएको थियो।